Grazie Lucio per l’attenzione e complimenti:
SOLIDARIETA’ MASSESE
‘A faccia ‘e stu paese cagna e more
quanno se parla e sparla mmiez”a via
se fa pesante ‘a vita, se sculora
invece ‘e sta felice e in armonia.
Pero’ ce penzo e calo ‘na barriera
quanno succede ‘o fatto ‘e meraviglia
c”a solidarieta’, cu ‘na preghiera
currimmo ‘a da’ n’aiuto a ‘na famiglia.
E lla’ se vere quant”e gruosso ‘o core
pure ‘o vicino ca sta appiccicato
cerca pe’ ‘na marina, ‘ncopp”e tore
quanno ‘na mamma chiagne disperata.
E allora ‘na speranza, ‘nu paesano
ce fa penza’ ca ‘nfunno ‘a ‘na cuscienza
quanno ce sta bisogno ‘e da’ ‘na mano
s’abbrucia cattiveria e indifferenza.
Lucio Mastellone
