La nuova poesia di Lucio su questi tempi tristi. Ricevo e, grato per l’attenzione, pubblico, da parte dell’amico di sempre Lucio Mastellone, ispettore navale e all’occorrenza compositore di belle ed indimenticabili poesie, la Sua nuova poesia scritta in questi giorni nei quali tutti i nostri pensieri vanno al dramma del momento con la speranza che presto ritorneremo alla normalità. Grazie Lucio:
‘NU MUNNO TRISTE
‘O munno s’è stancato ‘e sta pressione
Sotto a ‘na preta, ‘nchiuso int”a caiola,
‘O lliegge dint”a ll’uocchie d”e persone
Senza surriso, senza ‘na parola.
Senza n’abbraccio nun ce sta calore
Manca ‘o dimane, manca ‘na certezza,
E ‘o munno lentamente se ne more
Sotto a ‘na maschera, sotto a sta tristezza.
E quanno t’addumanna nu criaturo
Nuje nun sapimmo da’ chesta risposta,
Quanno fenesce stu momento scuro ?
Stregnenno ‘a mano ce dicimmo….è tosta.
È amara ‘a sofferenza d”a galera
Ce resta ‘na speranza, e tutt”o munno,
Cu ll’uocchie ‘ncielo e po’ cu ‘na preghiera
Nun vo’ muri’, nun vo’ tucca’ stu funno.
E aspetta ca se cagna ‘a direzione,
cu ‘nu nemico cca’, fisso, presente,
Ca nun se vere, nun ce da’ occasione
E ‘o munno cagna, soffre lentamente.
Lucio Mastellone
